Atvinna / Langtímaatvinnuleysi
Stutt lýsing
Hlutfall fólks sem hefur verið í virkri atvinnuleit í að minnsta kosti eitt ár af öllum atvinnulausum. Birtar eru niðurstöður fyrir aðra tímalengd atvinnuleitar til viðmiðunar.
Nánari skýring
Með langtímaatvinnuleysi er átt við hlutfall fólks sem hefur verið í virkri atvinnuleit í að minnsta kosti eitt ár af öllum atvinnulausum. Atvinnuleysi er hlutfalli atvinnulausra af vinnuaflinu.
Atvinnulausir teljast þeir sem voru án atvinnu í viðmiðunarviku rannsóknarinnar, þ.e. höfðu hvorki atvinnu né voru í vinnu (í eina klukkustund eða lengur) sem launþegi eða sjálfstætt starfandi, eru að leita að vinnu og geta hafið störf innan tveggja vikna eða hafa fengið starf sem hefst innan þriggja mánaða.
Einstaklingar sem eru ekki í vinnu en eru í námi flokkast sem atvinnulausir ef þeir uppfylla skilyrðin hér að framan. Námsmenn, þar með taldir þeir sem leita námssamnings í iðngrein, teljast því aðeins atvinnulausir ef þeir hafa leitað eftir vinnu með námi eða framtíðarstarfi síðastliðnar fjórar vikur og eru tilbúnir að hefja störf innan tveggja vikna frá því könnunin var gerð.
Til vinnuafls teljast bæði þeir sem eru starfandi og atvinnulausir.
Um tölurnar
Niðurstöðurnar byggja á vinnumarkaðsrannsókn Hagstofu Íslands. Rannsóknin er hluti af samstarfi ríkja á Evrópska efnahagssvæðinu um vinnumarkaðstölfræði og byggist á alþjóðlegum stöðlum og skilgreiningum. Í úrtak vinnumarkaðsrannsóknarinnar veljast af handahófi íslenskir og erlendir ríkisborgarar á aldrinum 16–74 ára sem skráðir eru í þjóðskrá og eiga lögheimili á Íslandi.
Eining
Hlutfall í %.
Nánari upplýsingar
Hér eru aðeins birtar lykiltölur um langtíma atvinnuleysi. Nánari upplýsingar eru í eftirfarandi töflu á aðalvef Hagstofu Íslands:
Atvinnulausir eftir lengd atvinnuleitar
Lýsigögn með nánari upplýsingum um Vinnumarkaðsrannsóknina má finna hér.