Atvinna / Utan vinnumarkaðar
Stutt lýsing
Hlutfall fólks utan vinnumarkaðar af mannfjölda á aldrinum 16-74 ára. Hér er hlutfall fólks sem er utan vinnumarkaðar brotið niður eftir meginstöðu einstaklinga.
Nánari skýring
Einstaklingur telst utan vinnumarkaðar fullnægi hann hvorki skilyrðum fyrir að vera starfandi né atvinnulaus. Starfandi telst sá sem vann a.m.k. eina klukkustund í viðmiðunarvikunni eða var fjarverandi frá vinnu sem viðkomandi er að öllu jöfnu ráðinn til. Atvinnulausir telst sá sem var án atvinnu í viðmiðunarviku rannsóknarinnar, þ.e. hafði hvorki atvinnu né var í vinnu (í eina klukkustund eða lengur) sem launþegi eða sjálfstætt starfandi, er að leita að vinnu og getur hafið störf innan tveggja vikna eða hefur fengið starf sem hefst innan þriggja mánaða.
Um tölurnar
Niðurstöðurnar byggja á vinnumarkaðsrannsókn Hagstofu Íslands. Rannsóknin er hluti af samstarfi ríkja á Evrópska efnahagssvæðinu um vinnumarkaðstölfræði og byggist á alþjóðlegum stöðlum og skilgreiningum. Í úrtak vinnumarkaðsrannsóknarinnar veljast af handahófi íslenskir og erlendir ríkisborgarar á aldrinum 16–74 ára sem skráðir eru í þjóðskrá og eiga lögheimili á Íslandi.
Eining
Hlutfall í %.
Nánari upplýsingar
Hér eru aðeins birtar lykiltölur um hlutfall fólks af mannfjölda á aldrinum 16-74 ára sem er utan vinnumarkaðar eftir meginstöðu. Nánari upplýsingar eru í eftirfarandi töflum á aðalvef Hagstofu Íslands:
Árstölur
Í töflunni að ofan er horft til hlutdeildar tiltekins undirhóps af þeim sem eru utan vinnumarkaðar. Hlutfall utan vinnumarkaðar af mannfjölda á aldrinum 16-74 er hægt að reikna út frá fjöldatölum í töflunni og mannfjöldatölum sem er að finna hér.
Ársfjórðungstölur
Hægt er að reikna hlutfall utan vinnumarkaðar af mannfjölda á aldrinum 16-74 ára með fjöldatölum í eftirfarandi töflu.
Mánaðarlegar tölur
Lýsigögn með nánari upplýsingum má finna hér.