Fjárhagur / Heildartekjur
Stutt lýsing
Samtala atvinnutekna, fjármagnstekna og annarra tekna á ári á verðlagi 2021.
Nánari skýring
Niðurstöður byggja á skattframtölum einstaklinga. Framtalsskyldir eru allir 16 ára og eldri sem eru skattskyldir á Íslandi. Byggt er á öllum framteljendum að undanskildum eftirfarandi:
-
Framteljendur sem eru með handreiknað framtal.
-
Framteljendur sem fá áætlaðan skatt á viðkomandi tekjuári eða árinu á undan.
-
Framteljendur sem létust á árinu eða eru búsettir erlendis samkvæmt þjóðskrá.
Handreiknað framtal fá þeir framteljendur sem ekki hafa búið á Íslandi nema hluta úr viðkomandi tekjuári, hafa hér á landi skattalega heimilisfesti, hafa tekjur hér á landi án þess að hafa hér búsetu, eins ef breytingar hafa orðið á hjúskaparstöðu eða aðrar þær breytingar á högum sem kalla á sérstaka meðhöndlun skattframtalsins. Erlendis búsettur telst sá sem hefur búið fleiri en 30 daga erlendis.
Niðurstöðurnar eru á verðlagi ársins 2020. Núvirðing er gerð í samræmi við árlegt meðaltal vísitölu neysluverðs, sem finna má í töflunni hér. Dæmi um núvirðingu er að breyta upphæð frá 2020 í samræmi við verðlag ársins 2021 með því að fylla í eftirfarandi formúlu: Vísitala neysluverðs 2021 / (Vísitala neysluverðs 2020 * upphæð).
Niðurstöðunum er skipt eftir kyni.
Eining
Miðgildi heildartekna á ári í krónum.
Hér er miðað við miðgildi allra framteljenda.
Nánari upplýsingar
Hér eru aðeins birtar lykiltölur um heildartekjur.
Nánari upplýsingar eru í eftirfarandi töflum á aðalvef Hagstofu Íslands. Tölurnar í töflunum eru á verðlagi hvers árs fyrir sig.
Tekjur
Lýsigögn með nánari upplýsingum um tölfræðina má finna hér.