Fjárhagur / Skortur á efnislegum gæðum
Stutt lýsing
Hlutfall heimila sem skortir efnisleg gæði eftir heimilisgerð.
Nánari skýring
Fólk telst búa við skort á efnislegum gæðum ef það býr á heimili þar sem þrennt eða meira af eftirfarandi á við:
-
Hefur lent í vanskilum húsnæðislána eða annarra lána vegna fjárskorts á síðastliðnum 12 mánuðum
-
Hefur ekki efni á að fara árlega í vikulangt frí með fjölskyldunni
-
Hefur ekki efni á kjöti, fiski eða sambærilegri grænmetismáltíð að minnsta kosti annan hvern dag
-
Getur ekki mætt óvæntum útgjöldum (sem voru að upphæð 180 þúsund krónur árið 2018)
-
Hefur hvorki efni á heimasíma né farsíma
-
Hefur ekki efni á sjónvarpstæki
-
Hefur ekki efni á þvottavél
-
Hefur ekki efni á bíl
-
Hefur ekki efni á að halda húsnæðinu nægjanlega heitu
Niðurstöðurnar byggja á lífskjararannsókn Hagstofu Íslands. Úrtak rannsóknarinnar er fengið á þann hátt að einstaklingar eru valdir með slembni úr þjóðskrá og þar með heimilið sem þeir tilheyra. Sá einstaklingur sem er valinn í úrtakið kallast valinn svarandi og veitir hann allar upplýsingar um aðstæður heimilis, sínar eigin og allra annarra heimilismeðlima.
Um tölurnar
Brot er í tímaröð vegna orðalagsbreytinga í spurningunni um vikulangt frí, sem hefur í för með sér að mælingarnar eru ekki sambærilegar á milli áranna 2015 og 2016. Samhliða birtingu á niðurstöðum fyrir árin 2019-2021 hafa eldri niðurstöður verið uppfærðar vegna lagfæringar á kóðun svarkosta. Tölurnar frá 2019-2021 eru bráðabirgðatölur.
Eining
Hlutfall í %.
Nánari upplýsingar
Nánari upplýsingar eru í eftirfarandi töflum á aðalvef Hagstofu Íslands.
Skortur á efnislegum gæðum
Lýsigögn með nánari upplýsingum má finna hér.