Húsnæði / Mat á byrði húsnæðiskostnaðar
Stutt lýsing
Hlutfall fólks sem segir að húsnæðiskostnaður sé mikil byrði eftir stöðu á húsnæðismarkaði.
Nánari skýring
Hlutfallið tekur mið af þeim sem svara því til að húsnæðiskostnaður sé þung byrði. Fólk er beðið að hafa í huga heildarkostnað húsnæðis, þ.m.t. afborganir af húsnæðislánum eða húsaleigu, tryggingar, þjónustugjöld s.s. sorphirða, reglulegt viðhald, viðgerðir og önnur gjöld.
Um tölurnar
Niðurstöðurnar byggja á lífskjararannsókn Hagstofu Íslands. Grunneining rannsóknarinnar er heimili fremur en einstaklingar. Úrtak rannsóknarinnar er fengið á þann hátt að einstaklingar eru valdir með slembni úr þjóðskrá og þar með heimilið sem þeir tilheyra. Sá einstaklingur sem er valinn í úrtakið kallast valinn svarandi og veitir hann allar upplýsingar um aðstæður heimilis, sínar eigin og allra annarra heimilismeðlima. Hér er greiningin miðuð við einstaklinga, og gert er ráð fyrir því að aðstæður heimilisins eigi við um alla einstaklinga á heimilinu.
Tölurnar frá 2019-2021 eru bráðabirgðatölur.
Eining
Hlutfall í %.
Nánari upplýsingar
Hér eru aðeins birtar lykiltölur um fólk sem segir að húsnæðiskostnaður sé þung byrði. Nánari upplýsingar eru í eftirfarandi töflum á aðalvef Hagstofu Íslands.
Mat á byrði húsnæðiskostnaðar
Lýsigögn með nánari upplýsingum má finna hér.