Öryggi / Dauðsföll af völdum slysa
Stutt lýsing
Fólk sem hefur látist af ytri orsökum sjúkleika og dauða eftir kyni.
Nánari skýring
Flokkun á grundvelli evrópska stuttlistans og 9. útgáfu flokkunarkerfis Alþjóða Heilbrigðismálastofnunarinnar (ICD-9) frá 1981-1995 og 10. útgáfu þess frá 1996 (ICD-10). Flokkur 17 segir til um þá sem hafa látist af völdum slysa.
Um tölurnar
Fyrir hvern einstakling sem deyr hér á landi útbýr læknir dánarvottorð sem er svo afhent nánasta aðstandanda. Sá afhendir síðan dánarvottorðið sýslumanni sem sendir svo vottorðið til Þjóðskrár. Þegar andlátið hefur verið skráð hjá Þjóðskrá er það sent til Embættis landlæknis. Hagstofa Íslands útbýr skýrslur um dánarorsakir og andvana fædd börn og Embætti landlæknis afhendir Hagstofunni þau gögn sem hún þarfnast í þeim tilgangi. Hagstofan birtir lífslíkur og dánartíðni í mars og dánarorsakir í kringum október á hverju ári.
Eining
Fjöldi
Nánari upplýsingar
Hér eru aðeins birtar lykiltölur um dauðsföll af völdum slysa. Nánari upplýsingar eru í eftirfarandi töflu á aðalvef Hagstofu Íslands. Flokkur 17 segir til um dána vegna ytri orsaka sjúkleika og dauða og er skipt í undirflokka í töflunni að neðan.
Lýsigögn með nánari upplýsingum um tölfræðina má finna hér.