Rekstrartekjur í menningargreinum
Stutt lýsing
Heildarrekstrartekjur rekstraraðila með 3 milljónir króna eða meira í rekstrartekjur, eftir menningargreinum 2008-2021. Bráðabirgðatölur.
Nánari skýring
Heildarrekstrartekjur rekstraraðila í menningargreinum samkvæmt skattframtölum rekstraraðila (RSK 1.04 og 4.11). Aðeins þeir rekstraraðilar sem höfðu 3 milljónir króna eða meira í rekstrartekjur á einu ári eru meðtaldir en samtals standa þeir að meðaltali undir 95% af heildarrekstrartekjum í atvinnugreinunum á tímabilinu. Í flokkun rekstraraðila var leitast við að hliðarflokka alla rekstraraðila með 3 milljónir króna eða meira í rekstrartekjur á ársgrundvelli.
Rekstrar- og efnahagsyfirlitum fyrir einkageirann er ætlað að gefa mynd af heildarafkomu og efnahag rekstaraðila í menningargreinum og þróun þeirra yfir lengra tímabil. Rekstrartekjur eru sú heildarfjárhæð sem viðkomandi eining færir til reiknings á viðmiðunartímabilinu og svarar til sölu á vörum eða þjónustu til þriðja aðila.
Rekstrartekjur taka til allra gjalda og skatta á vörur eða þjónustu, sem einingin færir til reiknings, að undanskildum þeim virðisaukaskatti sem hún færir viðskiptamanni beint til reiknings og öðrum svipuðum, frádráttarbærum sköttum sem tengjast beint rekstrartekjum. Framleiðsla til eigin nota eða fjárfestingar telst ekki til rekstrartekna. Tekjur sem í ársreikningum fyrirtækja eru flokkaðar sem aðrar rekstrartekjur, fjármunatekjur og óreglulegar tekjur, sem og tekjur af notkun annarra á fyrirtækjaeignum sem gefa af sér vexti, rétthafa- og arðgreiðslur og aðrar tekjur samkvæmt alþjóðlegum reikningsskilastöðlum (IAS og IFRS) skulu falla utan við rekstrartekjur. Rekstrarstyrkir frá opinberum yfirvöldum eða stofnunum Evrópusambandsins eru einnig undanskildir.
Eining
Upphæðir í krónum.
Gagnalind
Fyrirtækjaskrá Hagstofunnar, skattframtöl rekstraraðila (RSK 1.04 og 4.11).
Nánari upplýsingar
Lýsigögnum um rekstrar- og efnahagsyfirlit fyrirtækja.
Talnaefni um hagræna mælikvarða menningar og skapandi greina.