Félagslegir mælikvarðar / Heilsa /

Eigið mat á andlegri heilsu

Ánægja með lífið eftir kyni og aldri

Stutt lýsing

Lífsánægja 11 punkta kvarða eftir kyni og aldri.


Nánari skýring

Í viðauka við lífskjararannsóknina árið 2013, 2018 og 2021 voru þátttakendur beðnir að meta á 11 punkta kvarða, eða frá gildinu 0 upp í 10, hve ánægðir þeir voru með líf sitt þessa dagana. Niðurstöðunum er skipt eftir kyni og aldurshópum. Spurt var: “Á bilinu 0 - 10, þar sem 0 merkir alls ekki ánægð/ur en 10 merkir fullkomlega ánægð/ur, hversu ánægður ert þú með líf þitt þessa dagana?”

Um tölurnar

Niðurstöðurnar byggja á lífskjararannsókn Hagstofu Íslands. Grunneining lífskjararannsóknarinnar er heimili fremur en einstaklingar. Úrtak rannsóknarinnar er fengið á þann hátt að einstaklingar eru valdir með slembiúrtaki úr þjóðskrá og þar með heimilið sem þeir tilheyra. Sá einstaklingur sem er valinn í úrtakið kallast valinn svarandi og veitir hann allar upplýsingar um aðstæður heimilis, sínar eigin og allra annarra heimilismeðlima. Hér er greiningin miðuð við einstaklinga og gert er ráð fyrir því að aðstæður heimilisins eigi við um alla einstaklinga á heimilinu.


Eining

Gildi frá 0 til 10.


Nánari upplýsingar

Á aðalvef Hagstofu Íslands má finna frekara talnaefni úr lífskjararannsókninni.

Lýsigögn með nánari upplýsingum má finna hér.