Stutt lýsing

Hlutfall vinnuafls sem vinnur óhefðbundinn vinnutíma eftir kyni.

Nánari skýring

Fólk telst vinna óhefðbundinn vinnutíma ef það svarar því að það vinni venjulega á næturnar, kvöldin, laugardögum eða sunnudögum.

Miðað er við fólk á aldrinum 20-64 ára. Til vinnuafls teljast bæði þeir sem eru starfandi og atvinnulausir. Fólk telst vera starfandi ef það hefur unnið eina klukkustund eða lengur í viðmiðunarviku rannsóknar eða verið fjarverandi frá starfi sem það gegnir að öllu jöfnu. Fólk telst vera atvinnulaust ef það er án vinnu og í atvinnuleit.

Um tölurnar

Niðurstöðurnar byggja á vinnumarkaðsrannsókn Hagstofu Íslands. Rannsóknin er hluti af samstarfi ríkja á Evrópska efnahagssvæðinu um vinnumarkaðstölfræði og byggist á alþjóðlegum stöðlum og skilgreiningum. Í úrtak vinnumarkaðsrannsóknarinnar veljast af handahófi íslenskir og erlendir ríkisborgarar á aldrinum 16–74 ára sem skráðir eru í þjóðskrá og eiga lögheimili á Íslandi.

Eining

Hlutfall í %.

Nánari upplýsingar

Hér eru aðeins birtar lykiltölur um óhefðbundinn vinnutíma. Nánari upplýsingar eru í eftirfarandi töflu á vef Hagstofu Íslands: “Óhefðbundinn vinnutími eftir bakgrunni og kyni 2008 - 2017”.

Lýsigögn með nánari upplýsingum um talnaefni úr vinnumarkaðsrannsókn má finna hér.